Мақтаралдық шаруалар қырыққабат еге бастады

Оңтүстік Қазақстан облысы Мақтарал ауданында қырыққабат дақылын егу науқаны басталды. Қазірдің өзінде егістік алқаптарда 50-ден астам бригада құрылып, мыңдаған адам жұмысқа тартылды, деп хабарлайды Вaq.kz ақпарат агенттігі.

Ақпанның басында ауа райы салқын болып, егінді 1-2 аптаға кеш бастаған «Әбсаттар ата» шаруа қожалығының басшысы Фазылбек Жарқынбеков мамырға жетпей өнім алуды көздеп отыр.

Фото: ©baq.kz
Фото: ©baq.kz

«Жылыжайда 150 мың түп қырықабаттың көшетін дайындап, 30 адамнан құралған бригадамен көшет отырғызуды бастадық. Жұмысшыларға күніне 2000 теңгеден еңбек ақысын төлеп жатырмыз. Негізінен дақыл 2 айдың көлемінде пісіп, жетіледі. Сондай-ақ, 90 күнде жетілетін сортын да ектік. Егілген көшеттің үстін жапқышпен жауып, жауын-шашыннан қорғаймыз. Ең бастысы – күтіп-баптауға үлкен мән берілуі керек», – дейді Жарқынбеков.

Мақтаралдық диқандар салмағы 1-1,5 келіден аспайтын қырыққабаттың нидерландық пандион сұрпын егуде. Ерте пісетін өнім түріне еуропалықтар мен ресейліктер тарапынан сұраныс көп.

Фото: ©baq.kz
Фото: ©baq.kz

Жалпы, қырыққабат дақылы ерте пісетіндіктен, диқандар оның артынан қауын-қарбыз егуге кіріседі. Осылайша шаруалар 1 жылда екі рет өнім алады. Былтырғы жылы сәуір айында алғашқы өнімін алған мақтаралдық диқандар республиканың бірнеше облысын және Ресей Федерациясын қырыққабатпен қамтамасыз еткен болатын.

Айта кетейік, Мақтарал ауданында былтыр 3877 гектарға көкөніс егіліп, орташа 231,3 центнерден 89689 тонна өнім жиналған. Ал, оның 50 мың тоннадан астамы қырыққабат болған.

Поделиться материалом

Читать ещё

  • Опрос

    От чего в наибольшей степени зависит размер урожая?

    Показать результаты

    Загрузка ... Загрузка ...
  • Архивы