2022 жылы ауыл шаруашылығын несиелеу, лизинг беру және өзге де қолдауларды алу оңайлайды, деп хабарлайды «Хабар 24».

Себебі бұл процестер автоматтандырылып, бір терезе қағидасына көшеді. Бұл туралы «ҚазАгро» өкілдері мәлімдеді. Жоба қалай жүзеге асады?

«ҚазАгро» ұлттық басқарушы холдингі» акционерлік қоғамының 2020-2029 жылдарға арналған даму стратегиясы бекітілді. Ол бойынша елдің ауыл шаруашылығын жетілдіруге бағытталған бірнеше жоба бар.

АӨК дамыту бағыттары белгіленді

2029 жылға дейінгі стратегиялық жоспар холдингтің шығынын азайтып, еңбек өнімділігін арттыруға, экспортты ұлғайтып, ауылды жерлерде жаңа бизнес бастамаларды дамытуға бағытталған. Соның аясында Холдинг қаржыландырған жобалар бойынша өнім экспорты 30 процентке, Инвестициялық жобалар бойынша Еңбек өнімділігі 75 процентке, Ауыл шаруашылығының негізгі капиталына инвестициялар 1,8 есеге дейін өспек. Былтыр холдинг аграрлық өнеркәсіптік кешендерге 477 миллиард теңге несие берді. Оның 448 миллиарды ауыл шаруашлығын несиелеуге және ауыл шаруашылық техникасының лизингіне жұмсалған. Сондай-ақ 2019 жылы «ҚазАгро» Холдингі сыртқы валюталық борыштарын толығымен өтеді. Енді өз қызметінің тиімділігін арттыру мақсатында еншілес компанияларының санын 7-ден 3 ке дейін қысқарттты.

Былтыр мемлекет қазынасына салықтан 9,2 трлн теңге түсті

Былтыр мемлекет бюджетіне салықтан түсетін қаржы көлемі 17 процентке артты. Осылайша жалпы сомасы 9,2 триллион теңгеге жетті. Ал 2018 жылы бұл көрсеткіш 7,8 триллион теңге болатын. Яғни бір жыл ішінде салықтың түсімі 2 трилион теңге өскен. Оған отандық өнімдер мен импортық тауарға салынатын қосымша құн салығының өсуі әсер етті. Сонымен қатар былтыр ұжымдық табыс салығының түсімдері 17 процентке көбейіп, 1,9 триллион теңгені құрады. Ал әлеуметтік салық түсімдері 12 жарым процентке, табиғи ресурстарды қолданғаны үшін алынатын салық 11 процентке көбейді. Өткен жылы тек ойын бизнесінен түскен қаржы көлемі 19 процентке азайды.

Айта кетейік, бұған дейін отандық кәсіпорындарға қосымша құн салығын азайту туралы ұсыныс жасалған.