А. Мырзахметов: Әлеуметтік – атаулы көмекті демеуқаржыландыру қажет
Бүгінде азық-түлік бағасының негізсіз қымбаттамауы нысанаға мықтап алынған. Ахуалды әр өңірдің тізгінін ұстаған әкім-қарарлар жеке бақылап отыр. Олар әр облыстағы ірі сауда орындарын аралап, сөрелердегі тауар құнына көз жүгіртуде. Десек те сырттан дорбаланатын өнім бағасы өзгеріссіз қалуы екі талай. Оған «Атамекен»ұлттық кәсіпкерлер палатасының тізгінін ұстанған Абылай Мырзахметов сенімді. Уәжі: шетелдік тауар құны валютаға тікелей тәуелді. Бұл ретте қарабайыр халықты арбап, қомақты кіріске кенелуді көздегендердің қитұрқы әрекеттеріне жол бермеген абзал.
– Біз бұл мәселені қалай шешуге тырысамыз? Әуелі ойға оралатыны әкімшілік бақылау тетіктері. Оған сәйкес әкімдер базарларды аралайды. Біз оған курс түзетілген сайын куә боламыз.
Бір қарағанда, бағаның негізсіз қымбаттауына жол бермеуде оның негізі бар. Бірақ, меніңше, әлеуметтік-атаулы көмекті жүйелі түрде демеуқаржыландыру қажет. Азық-түлік себетін қалыптастыруға тартылатын салаларды субсидиялаған абзал. Тұрақтандыру қорлары да әдіс-тәсілдердің бірі. Олар жылда жергілікті бюджеттен түзіледі және 500-ден бірнеше миллиард теңгеге дейін Тұрақтандыру қорын толықтыруға қаржы жұмсалады. Олардың қалай жұмыс істейтінін қазіргі жағдай көрсетеді. Бұл да бағаны төмендетудің бір амалы, – деп атап өтті ол.
Венера Мұстафина
Загрузка ...