•  

    Рубрика: Новости |  Просмотры - 532

    Бір қазақстандыққа қанша сиырдан келеді – сарапшылар есептеп шығарды

    Соңғы мәлімет бойынша, елімізде халық саны 18,5 миллион адам болса, сиыр саны 3,8 миллион басты құраған.

    Иллюстративное фото: из открытых источников

    Иллюстративное фото: из открытых источников

     

    Қазақстан экономикасын мониторингілеу жобасының мамандары талдау жүргізіп, ауыл халқының ірі қара малмен қамтылу рейтингін жасады. Оған сәйкес, өңірлер арасында Батыс Қазақстан облысы көш бастады. Бұл аймақта бір адамға 0,4 сиырдан келеді, деп хабарлайды Sputnik.

    Осы жылдың екінші тоқсанында Қазақстан халқының саны 18,5 миллион адамға жетті, оның 41,7%-і –  ауыл тұрғындары, деп хабарлайды energyprom.kz.

    Ауыл халқының басым бөлігі Алматы және Түркістан облыстарына тиесілі. Екі өңірдің әрқайсысында 1,6 миллион адам тұрады, бұл елдегі барлық ауыл халқының 41%-тен астамы. Үшінші орынға Жамбыл облысы жайғасқан. Мұнда 680 мыңнан аса ауыл тұрғыны бар.

    Ал 2019 жылдың шілде айының соңындағы дерекке сүйенсек, Қазақстанда сиыр саны 3,8 миллион басты құраған. Бұл былтыр дәл осы уақытта тіркелген көрсеткіштен 200 мыңға артық.

    “2,1 миллион сиыр халық шаруашылығына тиесілі, бұл елдегі барлық сиыр санының 55,4%-і. Жеке кәсіпкерлер, шаруа және фермер қожалықтарында 1,4 миллион бас немесе барлық сиырдың 37,1%-і шоғырланған. Ауыл шаруашылығы кәсіпорындарында 7,5% немесе 284,7 мың бас сиыр бар”, келтірді energyprom.kz зерттеу мәліметін.

    Сиыр саны жағынан Алматы облысы көш бастаған. Бұл өңірде 553,6 мың бас сиыр бар, өткен жылмен салыстырғанда 40 мыңға артқан. Екінші орында –Шығыс Қазақстан облысы (549,5 мың бас), ал үшінші орында – Түркістан облысы (486,4 мың бас).

    Осылайша, зерттеуге сәйкес, Қазақстан халқын тұтастай алғанда, әр азаматқа сиырдың бестен бір бөлігі келеді. Егер тек ауыл халқын қарастырсақ, орташа статистикалық есеппен, екі адамға бір сиырдан келеді.

    “Сиыр саны жағынан ең қамтылған өңір Батыс Қазақстан облысы болып тұр. Мұнда облыстың әр тұрғынына 0,4 сиырдан келеді. Халықтың сиырмен қамтылу рейтингінің үштігіне Шығыс Қазақстан мен Солтүстік Қазақстан облыстары енген – тиісінше 0,4 және 036 сиыр. Үздік бестікті Ақмола (0,3)  мен Павлодар облысы (0,29) тұйықтаған”, – дейді зерттеу авторлары.

    Мамандардың пайымы көңіл көншітпейді. Олардың пікірінше, Қазақстанда ауыл халқының саны әжептәуір көп болғанмен, ауылдықтардың ірі қара малмен қамтылу деңгейі айтарлықтай төмен. Мал экспорты жыл сайын ұлғайып жатқанын ескерсек, бұл болашақта ет пен ет өнімдерінің қымбаттауына әкеп соғуы мүмкін.

    Десе де, сарапшылардың пікірінше, бағаның өсуіне тосқауыл қоюға болады. Ол үшін ауыл шаруашылығы министрлігі, қаржы министрлігі және басқа да мүдделі мемлекеттік органдар малды ел аумағынан шығаруға алты айға тыйым салатын бұйрық жобасын әзірлеуі керек.

    Екі сиыр төңірегіндегі әңгіме Nur Otan партиясы саяси кеңесінің кеңейтілген отырысынан кейін туындаған еді. Сол жолы тұңғыш президент Нұрсұлтан Назарбаев мемлекетке алақан жаятындарды сынаған болатын. Елбасы көмек сұрай беретіндерге “екі сиыр сатып ал да, өзіңді асыра” деп кеңес берді.

     

    Опубликовано 17.09.2019

    ЧИТАТЬ ЕЩЁ...

    Поделиться материалом

    Добавить комментарий

    Ваш e-mail не будет опубликован. Обязательные поля помечены *

    * Скопируйте этот код *

    * Вставьте этот код здесь *

    Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

    • Архивы

    • Опрос

      Каких специалистов не хватает на вашем сельхозпредприятии?

      Показать результаты

      Loading ... Loading ...
    • Комментарии

    • Калькулятор валют

      Калькулятор валют НБК

    • Погода

      Костанай
      5°
      0°
      Сб
      0°
      Вс
      1°
      Пн
      4°
      Вт
      5°
      Ср
     
  •   Копирование материалов допускается исключительно с письменного разрешения редакции и при условии ссылки (если это печатные издания), гиперссылки (для интернет-изданий) на agroinfo.kz  
     
    Agronationale Яндекс.Метрика
     
     
      Распространяется на территории Республики Казахстан Размещение рекламы 8 (7142) 39-15-12, 54-39-39